दाङ जिल्लामा चुनावी चहलपहल : तीनै क्षेत्रमा ६२ उम्मेदवार मैदानमा
दाङ । प्रतिनिधिसभा सदस्य निर्वाचन २०८२ अन्तर्गत दाङका तीनवटै निर्वाचन क्षेत्रमा उम्मेदवारी दर्ता सम्पन्न भएसँगै जिल्लामा चुनावी माहोल थप तातेको छ ।
प्रमुख राजनीतिक दलदेखि साना दल र स्वतन्त्र उम्मेदवारसम्म गरी दाङ–१, २ र ३ मा कुल ६२ जनाले मनोनयन दर्ता गराएका छन् ।
निर्वाचन अधिकृत कार्यालयका अनुसार दाङ–३ मा सबैभन्दा धेरै उम्मेदवार देखिएका छन् भने दाङ–१ मा तुलनात्मक रूपमा कम उम्मेदवारी परेको छ । यसले दाङमा प्रतिस्पर्धा बहुपक्षीय र रोचक बन्ने संकेत गरेको छ ।
दाङ १ : १४ उम्मेदवार
दाङ निर्वाचन क्षेत्र नम्बर १ मा १४ जनाले उम्मेदवारी दर्ता गराएका छन् । यहाँ कांग्रेस, एमाले, माओवादीसहित विभिन्न दलका उम्मेदवारसँगै स्वतन्त्र उम्मेदवारहरूको पनि उल्लेख्य सहभागिता देखिएको छ ।
निर्वाचन अधिकृत कृष्णप्रसाद नेपालका अनुसार दलगत प्रतिस्पर्धासँगै स्वतन्त्र उम्मेदवारहरूले पनि मतदातासामु वैकल्पिक रोजाइ प्रस्तुत गरेका छन् ।
दाङ–१ बाट निम्न उम्मेदवारहरूले मनोनयन दर्ता गराएका छन्–
नेपाली कांग्रेस : योगेन्द्र चौधरी
नेकपा एमाले : रेबती रमण शर्मा
नेपाली कम्युनिस्ट पार्टी : मेटमणि चौधरी
नेपाल कम्युनिस्ट पार्टी (माओवादी) : प्रकाश साही
राष्ट्रिय प्रजातन्त्र पार्टी : विनय बिसी
राष्ट्रिय जनमोर्चा : गणेशप्रसाद आचार्य
जनता समाजवादी पार्टी : भरतलाल चौधरी
राष्ट्रिय परिवर्तन पार्टी : रञ्जित चौधरी
नेशनल रिपब्लिक नेपाल : मिनबहादुर ठेडी मगर
मंगोल नेशनल अर्गनाइजेशन : खुमबहादुर गाहा मगर
राष्ट्रिय स्वतन्त्र पार्टी (रास्वपा) : देवराज पाठक
स्वतन्त्र : कुलप्रसाद केसी
स्वतन्त्र : मणिराम यादव
दाङ २ : २३ उम्मेदवार
दाङ–२ मा २३ जनाले उम्मेदवारी दर्ता गराउँदै सबैभन्दा कडा प्रतिस्पर्धाको संकेत दिएका छन् । यहाँ ठूला दलका प्रभावशाली नेतादेखि नयाँ र साना दलका उम्मेदवारसम्मको उपस्थितिले चुनावी समीकरण जटिल बनाएको छ ।
मुख्य निर्वाचन अधिकृत प्रकाशप्रसाद पण्डितका अनुसार दाङ–२ मा दलगत मात्र नभई स्वतन्त्र उम्मेदवारहरूको संख्या पनि उल्लेखनीय छ ।
नेकपा एमाले : शंकर पोखरेल
नेपाली कांग्रेस : किरणकिशोर घिमिरे
नेपाली कम्युनिस्ट पार्टी : निर्मल आचार्य
राष्ट्रिय जनमोर्चा : मनिराम खनाल
नेपाल मजदुर किसान पार्टी : नवीनकुमार शाही
राष्ट्रिय स्वतन्त्र पार्टी : बिपिनकुमार आचार्य
राष्ट्रिय जनमुक्ति पार्टी : रबिन्द्र उच्च नेपाली
राष्ट्रिय प्रजातन्त्र पार्टी : ऋषिकेश पोखरेल
आम जनता पार्टी : कृष्णबहादुर सुनार
जनता समाजवादी पार्टी : ढुन्डीराज थापा
प्रगतिशील लोकतान्त्रिक पार्टी : प्रतीक अधिकारी
मितेरी पार्टी : रेखबहादुर पुन मगर
नागरिक उन्मुक्ति पार्टी : झरेन्द्रबहादुर खत्री
मंगोल नेशनल अर्गनाइजेशन : अम्मरबहादुर बुढा
नेशनल रिपब्लिक नेपाल : जितन पुन
स्वतन्त्र : धर्मराज शर्मा
स्वतन्त्र : विष्णुविक्रम सेनवली
स्वतन्त्र : लालबहादुर खत्री
स्वतन्त्र : विष्णु कुमारी भुसाल
स्वतन्त्र : पदमप्रसाद पाण्डे
स्वतन्त्र : कल्पना लामा
स्वतन्त्र : समीर वली
स्वतन्त्र: बालाराम पौडेल
दाङ ३ : २५ उम्मेदवार
सबैभन्दा बढी उम्मेदवारी दर्ता भएको क्षेत्र दाङ–३ बनेको छ । २५ जनाले मनोनयन दर्ता गराउँदा यहाँ राजनीतिक दल, क्षेत्रीय दल र स्वतन्त्र उम्मेदवारहरूको बाक्लो भिड देखिएको छ । यस क्षेत्रलाई दाङकै सबैभन्दा प्रतिस्पर्धात्मक क्षेत्रका रूपमा हेरिएको छ ।
नेपाली कांग्रेस : दीपक गिरी
नेकपा एमाले : घनश्याम पाण्डे
नेपाली कम्युनिस्ट पार्टी : धनबहादुर मास्की
नेपाल कम्युनिस्ट पार्टी (माओवादी) : बलबहादुर ओली
राष्ट्रिय स्वतन्त्र पार्टी : कमल सुवेदी
राष्ट्रिय जनमोर्चा : कमला जिसी
मंगोल नेशनल अर्गनाइजेशन : घनश्याम चौधरी
राष्ट्रिय प्रजातन्त्र पार्टी : दामोदर भण्डारी
मितेरी पार्टी नेपाल : सन्तोष सिंह
जनता समाजवादी पार्टी : शोभा डाङी
आम जनता पार्टी : पाण्डबी नेपाली
नेशनल रिपब्लिकन पार्टी : प्रीतम चौधरी
प्रगतिशील लोकतान्त्रिक पार्टी : घनश्याम थापा
संयुक्त नागरिक पार्टी : दलबीर कामी
श्रम संस्कृति पार्टी : टोपबहादुर महतरा
नागरिक उन्मुक्ति पार्टी : महेश चौधरी
स्वतन्त्र : भागिराम चौधरी
स्वतन्त्र : गोपालबहादुर ओली
स्वतन्त्र : सुरेश नेपाली
स्वतन्त्र : प्रेमबहादुर ओली
स्वतन्त्र : महेश डाङी
स्वतन्त्र : यामबहादुर बस्नेत
स्वतन्त्र : भरत परियार
स्वतन्त्र : इन्द्रबहादुर बस्नेत
स्वतन्त्र : सप्रिक कडेल
बहुदलीय प्रतिस्पर्धा र स्वतन्त्रको चुनौती
तीनै निर्वाचन क्षेत्रमा देखिएको उम्मेदवारको संख्या हेर्दा दाङमा यसपटक बहुदलीय प्रतिस्पर्धा तीव्र हुने स्पष्ट छ । परम्परागत ठूला दलसँगै नयाँ दल र स्वतन्त्र उम्मेदवारहरूले मतदातालाई आकर्षित गर्न कस्तो एजेन्डा अघि सार्छन् भन्ने विषयले चुनावी नतिजामा महत्वपूर्ण भूमिका खेल्ने देखिन्छ ।
निर्वाचन आयोगले उम्मेदवारी दर्ता शान्तिपूर्ण र मर्यादित रूपमा सम्पन्न भएको जनाएको छ । अब उम्मेदवारहरूले चुनावी प्रचार–प्रसारलाई तीव्र बनाउने तयारी थालेका छन् ।
