विश्वकपमा अस्ट्रेलियाको विजयी सुरुआत, मेलबर्नमा फुटबल उत्सव
मेलबर्न । सन् २०२६ को फिफा विश्वकपअन्तर्गत समूह ‘डी’ को पहिलो खेलमा अस्ट्रेलियाले टर्कीलाई २–० ले पराजित गरेको छ। जितसँगै मेलबर्नस्थित एएएमआई पार्कमा हजारौँ समर्थकले उत्सव मनाएका छन्।
रंगशालामा भेला भएका समर्थकहरूले सामूहिक रूपमा खेलको प्रत्यक्ष प्रसारण हेरेका थिए। नेस्टोरी इरानकुन्डा र कोनोर मेटकाफको गोलमा अस्ट्रेलियाले महत्वपूर्ण तीन अंक जोडेको हो।
सन् २००२ पछि पहिलो पटक विश्वकपमा पुनरागमन गरेको टर्कीले खेलभर ३० पटक गोलका लागि प्रहार गरे पनि अस्ट्रेलियाको मजबुत रक्षापङ्क्ति तोड्न सकेन। अस्ट्रेलियाले भने नौ पटक मात्र प्रहार गरेर दुई गोल निकाल्यो।
खेलपछि एक अस्ट्रेलियाली समर्थकले रंगशालामा सामूहिक रूपमा बसेर खेल हेर्न पाउनु अविस्मरणीय अनुभव भएको बताए।
“घरमा बसेर खेल हेर्नुभन्दा यहाँ हजारौँ समर्थकसँगै बसेर हेर्नु धेरै रोमाञ्चक रह्यो,” उनले भने, “टर्कीको दबाबका बाबजुद हाम्रो टोलीले उत्कृष्ट खेल प्रदर्शन गर्यो।”
– न्युज एजेन्सी
