देशभर १,०८१ जना कोरोना संक्रमित थपिए,६ जनाको मृत्यु
काठमाडौं , २४ भदौ ।
देशभर १,०८१ जना कोरोना संक्रमित थपिएका छन् ।
पछिल्लो २४ घण्टामा ११,१६७ जनामा गरिएको परीक्षणमा १,०८१ जनामा संक्रमणको पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले जानकारी दिए ।
पछिल्लो २४ घण्टामा ९१८ जना निको भएर घर फर्किएसँगै कोरानो संक्रमण निको हुनेको संख्या ३३,८८२ पुगेको छ । यो कुल संक्रमितको ६८ दशमलव ८ प्रतिशत हो । देशभर सकृय संक्रमितको संख्या १५,०२५ रहेको प्रवक्ता गौतमले जानकारी दिए ।
कुन जिल्लामा कति संक्रमित
उदयपुरमा १, ओखलढुंगामा ३, खोटाङ २ , झापमा ६, ताप्लेजुङमा १, धनकुटामा ९, भोजपुरमा ५,मोरङमा ७७, सुनसरीमा ५६ जना थप संक्रमित भेटिएको स्वास्थ्य तथा जनसंख्या मन्त्रालयले जनाएको छ । त्यस्तै धनुषामा ३, पर्सामा ६, बारामा १७, महोत्तरीमा २, रौतहटमा ७०, सप्तरीमा २६, सर्लाहीमा ६, सिराहमा ८१ जना संक्रमित भेटिएका छन् ।
काठमाडौंमा ३९४,काभ्रेमा ८,चितवनमा २१, दोलखामा ३, धादिङमा २, नुवाकोटमा ४, भक्तपुरमा ३६, मकवानपुरमा ४२, रामेछापमा ३, ललितपुरमा ३४, सिन्धुपाल्चोकमा ३, सिन्धुलीमा १ जना कोरोना संक्रमित भेटिएका छन् । त्यस्तै कास्कीमा १०, गोरखामा १, तनहुँमा ४, नवलपरासी पूर्वमा १, पर्वतमा १, लमजुङमा ३, बाग्लुङमामा १ जना कारोना संक्रमित थपिएको स्वास्थ्य तथा जनसंख्या मन्त्रालयको तथ्याङ्कमा उल्लेख छ ।
कपिलवस्तुमा ११, गुल्मीमा २, दाङमा १, नवलपरासीमा ८, पाल्पामा २, बर्दियामा १३, बाँकेमा २२,बर्दियामा १३ र रुपन्देहीमा ४२ जना कोरोना संक्रमित थपिएका छन् ।
जाजरकोटमा १, दैलेखमा २, सुर्खेतमा २२, अछाममा १, दार्चुलामा ३, बझाङमा २ जना थप संक्रमित भेटिएका छन् ।
६ जनाको मृत्यु
स्वास्थ्य तथा जनसंख्या मन्त्रालयको तथ्याङक अनुसार पछिल्लो २४ घण्टामा ६ जनाको मृत्यु भएको छ । मृत्यु हुनेमा काठमाडौंमा २, कास्कीमा १, अर्घाखाँचीमा १, बाँकेमा १ र नवलपरासीमा १ जनाको मृत्यु भएको छ ।
