वीरगञ्जमा कोरोना संक्रमित महिलाको मृत्यु
प्रकाशित मिति : 15 September, 2020 1:39 pm
काठमाडौं,३० भदौ । वीरगञ्जमा कोरोना भाइरस कोभिड १९ को संक्रमणबाट एक महिलाको मृत्यु भएको छ ।
नारायणी अस्पतालको आइसियुमा उपचाररत एक महिलाको कोरोना संक्रमणबाट मृत्यु भएको अस्पतालले जनाएको छ ।
बाराको डुमरवाना १४ निवासी ५५ वर्षीय उनलाई उच्च ज्वरो र सास फेर्न गाह्रो भएपछि परिवारले भदौ २९ गते अस्पताल भर्ना गरेका थिए । भर्ना गरेकै दिन पीसीआर परीक्षण गर्दा कोरोना पुष्टि भएको अस्पतालका बरिष्ठ चिकित्सक डा. उदयनारायण सिंहले जानकारी दिए ।
शवलाई व्यवस्थापन गर्न स्थानीय प्रशासनलाई जिम्मा दिइएको अस्पतालले जनाएको छ ।