कोरोना संक्रमित बाँकेका वडाध्यक्षको मृत्यु
प्रकाशित मिति : 23 September, 2020 1:53 pm
काठमाडौं,७ असोज । बर्दिया बारबर्दिया नगरपालिका ३ का वडाअध्यक्ष सुर्यबहादुर थारुको कोरोना भाइरस संक्रमणका कारण मृत्यु भएको छ ।
३९ वर्षीय थारुको उपचारका क्रममा बुधबार बिहान कोरोना संक्रमणका कारण मृत्यु भएको भेरी अञ्चल अस्पताल नेपालगञ्जले जनाएको छ ।
भदौ २९ गते दिउँसो भेरी अस्पतालमा भर्ना भएका थिए । सोही अस्पतालमा पीसीआर परीक्षण गर्दा ३० गते उनको रिपोर्ट पोजेटिभ आएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए ।
यससँगै बाँकेमा कोरोना संक्रमणबाट मृत्यु हुनेको संख्या पाँच पुगेको छ । –रासस
