भारतलाई पठाइएका दुई कुटनीतिक नोटमा के छ?
काठमाडौं । सरकारले भारतको सीमा सुरक्षा बलका अधिकारीद्वारा दार्चुला जिल्लाका जयसिंह धामीको तुइन काटेर ज्यान लिने एसएसबीका अधिकारीको विषयमा अनुसन्धान र भारतीय हेलिकप्टर नेपाली आकाशमा उडेको विषयमा दुई कुटनीतिक नोट भारतलाई पठाएको छ ।
दार्चुला जिल्लाको महाकाली नदीमा तुइनबाट पारी जान खोज्ने धामीलाई तुइन काटेर नदीमा खसाएकाे घटनापछि सरकारमाथि दबाब छ । अहिलेसम्म हराइरहेका नेपाली युवा धामीको विषयमा
सरकारले सोही जिल्लाको नेपाली आकाशमा भारत तर्फबाट उडेको हेलिकप्टरको विषयमा पनि भारत सरकारको ध्यानाकर्षण गराउँदै अर्को कुटनीतिक नोट पठाएको छ ।
परराष्ट्र मन्त्रालयले नेपालस्थित भारतीय दूतावासको माध्यमबाट दुई कुटनीतिक नोट पठाएको हाे । कुटनीतिक नोटमा धामीको विषयमा अनुसन्धान गरी पीडित परिवारलाई क्षतिपूर्ति उपलब्ध गराउन भनिएको छ ।
धामी र हेलिकप्टरको विषयमा शेरबहादुर देउवा नेतृत्वको सरकारको आलोचना बढ्दै गइरहेको बेला सरकारले दुई विषयमा कुटनीतिक नोट पठाएको हो । ती कुटनीतिक नोटलाई सार्वजनिक भने गरिएकाे छैन ।
यी विषयमा प्रधानमन्त्री देउवाको नेतृत्वको सरकारले केही कदम नचालेकाे भनी आलोचना भइरहेको बेला सरकारले भारतलाई यसबारे अनुसन्धान गर्न कुटनीतिक नोट पठाउने निर्णय गरेको हो ।
