माैसमः तीन प्रदेशकाे पहाडमा चट्याङ र हल्का वर्षा, लुम्बिनीकाे तराई भेगमा हावाहुरीकाे सम्भावना
प्रकाशित मिति : 6 March, 2023 7:48 am
काठमाडाैँ । आगामी २४ घण्टामा देशका पहाडी भू-भागमा आंशिक बदली रही बाँकी भू-भागमा मौसम आंशिक बदलीदेखि सामान्यतया सफा रहने जल तथा माैसम विज्ञान विभागले जनाएकाे छ।
विभागका अनुसार साेमबार कोशी प्रदेश, गण्डकी प्रदेश र सुदूरपश्चिम प्रदेशका पहाडी भू-भागका एक-दुई स्थानमा मेघ गर्जन /चट्याङ्ग सहित हल्का वर्षा र उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ।
लुम्बिनी प्रदेशका तराईका थोरै स्थानहरूमा हावा हुरीको सम्भावना रहेको रहेकाले विभागले सचेत बनाएकाे छ। मंगलवारसमेत कोशी प्रदेश, बागमती प्रदेश र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको जनाइएकाे छ ।
