स्याङ्जाका दुई पालिकाबाट बेवारिसे चिनी फेला
प्रकाशित मिति : 9 November, 2023 6:41 am
काठमाडौँ । स्याङ्जाको फेदीखोला गाउँपालिका र गल्याङ नगरपालिकाबाट बेवारिसे चिनी फेला परेको छ ।
सिद्धार्थ राजमार्ग अन्तर्गत फेदीखोला गाउँपालिकाबाट एक सय केजी (२ बोरा) र गल्याङ नगरपालिका राम्दीबाट दुई सय पचास केजी (५ बोरा) गरी तीन सय पचास केजी बेवारिसे चिनी फेला पारेको जिल्ला प्रहरी कार्यालय स्याङ्जाका प्रवक्ता पावलसिंह लामाले जानकारी दिए ।
फेदीखोला गाउँपालिका वडा नम्बर १ पर्सेभाटीमा बुटवलबाट बागलुङ जाँदै गरेका ना ५ ख ६६२३, लु २ ख ५१३७ र ना ४ ख ३८२८ नम्बरको सवारी सधानबाट बेवारिसे अवस्थामा चिनी फेला परेको हो ।
यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालयले जनाएको छ ।