प्रहरी जवान युवराज घिमिरेको हत्या आरोपमा ६ जना पक्राउ
प्रकाशित मिति : 19 May, 2024 11:39 am
![](https://i0.wp.com/www.lumbinisanchar.com/wp-content/uploads/2021/09/Murder-1.jpg?fit=512%2C307&ssl=1)
काठमाडौं । प्रहरी जवान युवराज घिमिरेको हत्या आरोपमा ६ जनालाई पक्राउ भएका छन् ।
तारकेश्वर नगरपालिका—९, मनमैजुमा भएको हत्यामा संलग्न रहेको आरोपमा प्रहरीले सचिन परियारसहित ६ जनालाई पक्राउ गरेको छ । गएको शुक्रबार घिमिरे एक निर्माणाधीन घरको भुइँमा उनी रक्ताम्मे अवस्थामा मृत फेला परेका थिए ।
काठमाडौँ जिल्ला प्रहरी परिसरले अभियुक्तहरूलाई आज पत्रकार सम्मेलन गरेर सार्वजनिक गर्ने बताएको छ ।
जिल्ला प्रहरी परिसरका प्रवक्ता एवं प्रहरी उपरीक्षक नवराज अधिकारीका अनुसार खोटाङको मजुवागढी गाउँपालिका–१ का स्थायी बासिन्दा ट्राफिक प्रहरी प्रभाव दरबारमार्गमा कार्यरत थिए ।