१४ वर्षीया दुई किशोरीलाई जबरजस्ती करणी गरेको अभियोगमा मण्डनदेउपुरका एक युवा पक्राउ
प्रकाशित मिति : 30 April, 2023 4:17 pm
काठमाडौँ । १४ वर्षीया २ जना किशोरीलाई जबरजस्ती करणी गरेको अभियोगमा काभ्रेपलाञ्चोक मण्डनदेउपुर नगरपालिका-२ बस्ने २२ वर्षीय कर्मा तामाङलाई शनिबार साँझ प्रहरीले पक्राउ गरेको छ ।
एक होटलमा ती किशोरीलाई जरबजस्ती करणी गरेको उजुरी परेको थियो । भक्तपुर नगरपालिका-१० कमलबिनायकस्थित एक होटलमा दुई किशोरीलाई पुर्याई विभिन्न प्रलोभन पारी ललाई फकाई शुक्रबार राति जरबजस्ती करणी गरेको उजुरीको आधारमा जिल्ला प्रहरी परिसर भक्तपुरबाट खटिएको प्रहरीले उनलाई पक्राउ गरेको हो ।
घटना बारेका प्रहरीले थप अनुसन्धान गरिरहेको जानकारी दिएको छ ।
