संयुक्त राष्ट्र प्रमुखद्वारा सुडानमा रमजान महिनामा युद्ध अन्त्य गर्न आह्वान
काठमाडौँ । संयुक्त राष्ट्रसंघका महासचिव एन्टोनियो गुटेरेसले सुडानमा रमजानको पवित्र महिनामा शत्रुता अन्त्य गर्न आह्वान गरेका छन् । उनले रमजानमा शत्रुता अन्त्य गरी अघि बढ्न आग्रह गरेका हुन् ।
रमजानले शत्रुता अन्त्य गर्ने आफ्नो विश्वास रहेको बताए । अर्को महिना सुडानी सशस्त्र बल र द्रुत समर्थन बलहरू बीचको क्रुर लडाईको प्रकोपको एक वर्ष हुनेछ । द्वन्द्वले सुडानका जनतामा विनाशकारी क्षति पु¥याएको छ । देशको एकतालाई खतरामा पारेको महासचिव गुटेरेसले बताए ।
उनले अब हतियार राख्ने समय आएको बताए । सुडानमा मानवीय संकट ठूलो मात्रामा रहेको बताए । द्वन्द्वले नागरिक पूर्वाधारलाई ध्वस्त पारेको र आधारभुत सेवाहरू ठप्प भएको बताए । द्वन्द्व प्रभावित क्षेत्रका ७० प्रतिशतभन्दा बढी स्वास्थ्य संस्था सञ्चालनमा नरहेको बताए । लाखौं बालबालिका विद्यालय बाहिर रहेको, खानेपानी र सरसफाइको व्यवस्था नरहेको बताए ।
