यस्तो छ बुधवारको मौसम पूर्वानुमान
प्रकाशित मिति : 27 March, 2024 7:24 am
काठमाडौँ। आगामी २४ घण्टामा कोशी, बागमती र गण्डकी प्रदेशका पहाडी भू–भागका केही स्थानहरूमा वर्षा हुने जल तथा मौसम विज्ञान विभागले जनाएको छ ।
बुधवार मधेश प्रदेश र बाँकी पहाडी भू–भागका एक–दुई स्थानमासमेत मेघगर्जन चट्याङ्गसहित हल्का वर्षाको सम्भावना रहेको विभागको पूर्वानुमान छ।
कोशी, बागमती र गण्डकी प्रदेशका उच्च पहाडी तथा हिमाली भू–भागका एकदुई स्थानमा हल्का हिमपातको सम्भावना रहेको विभागको मौसम पूर्वानुमान बुलेटिनमा उल्लेख छ ।
मौसम प्रतिकूल रहने क्षेत्रमा दैनिक जनजीवन लगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकाले आवश्यक सतर्कता अपनाउन अनुरोध गरिएको छ।
