सुदूरपश्चिम सरकार छाड्न नाउपा अध्यक्ष श्रेष्ठको निर्देशन
प्रकाशित मिति : 29 March, 2024 4:59 pm
काठमाडौँ । नागरिक उन्मुक्ति पार्टीकी अध्यक्ष रञ्जिता श्रेष्ठले सुदूरपश्चिम प्रदेश सरकारलाई दिएको समर्थन फिर्ता लिन निर्देशन दिएकी छिन् ।
उनले संसदीय दलका नेता घनश्याम चौधरीलाई कांग्रेस नेतृत्वको प्रदेश सरकारलाई दिएको समर्थन फिर्ता लिन निर्देशन दिएकी हुन् ।
चैत १४ मा टीकापुरमा बसेको पार्टी बैठकले समर्थन फिर्ता लिने निर्णय गरेको भन्दै उनले सोही बमोजिम सरकारबाट बाहिर आउन निर्देशन दिएकी हुन । निर्देशन पालना नभए पार्टीको विधानअनुसार कारबाही हुने चेतावनी समेत दिएकी छन् ।
