पूर्वमन्त्री अब्दुल खान सवार गाडी धादिङमा दुर्घटना

काठमाडौँ । जनमत पार्टीका उपाध्यक्ष अब्दुल खान सवार गाडी दुर्घटनामा परेको छ । पूर्वमन्त्रीसमेत रहेका खान र निजी सचिवालयका सदस्यहरू चढेको बिएसी २७३५ नम्बरको गाडी धादिङको कृष्णभिरमा दुर्घटनामा परेको हो ।

उपाध्यक्ष खानसहित गाडीमा चारजना सवार थिए। अर्को गाडी जोगाउन खोज्दा उनी सवार गाडी भित्तामा ठोक्किएको थियो।

दुर्घटनामा खानसहित गाडीमा सवार चारैजना सामान्य घाइते भएका छन्। खानको हातमा चोट लागेको छ।