मनकामना केबलकार शुक्रबार बन्द हुने

काठमाडौँ । मनकामना केबलकार भोलि (शुक्रबार) बन्द गरिने भएको छ ।

नियमित मर्मतका लागि एक दिन केबलकार बन्द गरिने भएको हो । शनिबारबाट भने नियमित रूपमा सञ्चालनमा आउने मनकामना दर्शन प्रालिले जनाएको छ ।

शनिबार बिहान साढे ६ बजेदेखि र अघिपछि बिहान साढे ७ बजेदेखि साँझ साढे ५ बजेसम्म केबलकार सञ्चालन हुने गरेको छ । केबलकारमा ३४ वटा डब्बा सञ्चालनमा छन् । केबलकार सञ्चालनमा आएको २६ वर्षमा १ करोड ८४ लाख यात्रुले सेवा लिइसकेका छन् ।