पूर्वराजा शाहद्धारा पाटन दरबारको भ्रमण
प्रकाशित मिति : 20 May, 2024 6:51 pm
काठमाडाैँ । पूर्वराजा ज्ञानेन्द्र शाहले ललितपुरस्थित पाटन दरबारको भ्रमण गरेका छन् ।
पूर्वराजा शाहले सोमवार अपरान्ह पाटन दरबारको भ्रमण गरेका हुन् । भ्रमणको क्रममा उनलाई सयौँ समर्थक तथा शुभचिन्तकहरूले बाजागाजासहित स्वागत गरेका थिए ।
नेपालको राष्ट्रिय झन्डा लिएर उपस्थित भएका समर्थक तथा शुभचिन्तकहरूले पूर्वराजा शाहको जयजयकार समेत गरेका थिए । भ्रमणका क्रममा उनले पाटन दरबार क्षेत्रमा रहेका विभिन्न देवी देवताको पुजाआजा गरेका थिए ।
