प्रधानमन्त्री नियुक्त भएपछि ओलीले भने: सबैमा सम्मान, सबैलाई धन्यवाद !
प्रकाशित मिति : 14 July, 2024 6:05 pm
काठमाडौँ । प्रधानमन्त्रीमा नियुक्त भएपछि नेकपा एमाले अध्यक्ष केपी शर्मा ओलीले धन्यवाद ज्ञापन गरेका छन्।
आइतबार राष्ट्रपति रामचन्द्र पौडेलले प्रधानमन्त्रीमा नियुक्त गरेपछि सामाजिक सञ्जालमार्फत ओलीले सबैलाई सम्मान र सबैलाई धन्यवाद भनेका हुन् ।
‘सबैलाई सम्मान, सबैलाई धन्यवाद !’, ओलीले आफ्नो तस्बिरसहित सामाजिक सञ्जालमा भनेका हुन् । प्रतिनिधिसभाको दुईवटा प्रमुख दल कांग्रेस र एमालेका सांसदको समर्थनमा संविधानको धारा ७६ (२) अनुसार राष्ट्रपति रामचन्द्र पौडेलले ओलीलाई नयाँ प्रधानमन्त्रीमा नियुक्त गरेका हुन्।
नवनियुक्त प्रधानमन्त्रीको शपथ ग्रहण भोलि हुने भएको छ। राष्ट्रपति कार्यालयले नवनियुक्त प्रधानमन्त्री ओलीको शपथग्रहण समारोह भोलि बिहान ११ बजेका लागि आयोजना गरेको छ ।
