परराष्ट्रमन्त्री राणालाई भारतीय र पाकिस्तानी समकक्षीले दिए बधाई

काठमाडौँ । परराष्ट्रमन्त्री डा.आरजु राणावालाई भारत र पाकिस्तानी समकक्षीले बधाई दिएका छन् ।

भारतीय बाह्य मामिलामन्त्री डा. सुव्रमन्यम जयशंकर र पाकिस्तानी विदेशमन्त्री इशाक दारले नेपालको परराष्ट्रमन्त्रीमा नियुक्त भएकोमा मन्त्री राणालाई बधाई दिँदै कार्यकालको शुभकामना दिएका हुन् ।

परराष्ट्र मन्त्रालयका अनुसार भारतीय विदेशमन्त्री जयशंकरले बहुआयामिक साझेदारीयुक्त नेपाल–भारत सम्बन्धलाई अझ सुमुधर तुल्याउन परराष्ट्रमन्त्री राणासँग सहकार्य गर्न प्रतीक्षारत रहेको बताएका छन् ।

यस्तै, पाकिस्तानका विदेशमन्त्री दारले पनि समकक्षी डा.राणालाई शुभकामना सन्देश पठाउँदै आपसी हित र चासोका मामिलामा निकट सम्पर्कमा रहेर काम गर्न आफू तयार रहेको बताएको पाकिस्तानी दूतावासले जनाएको छ ।