सामाजिक सञ्जाल विधेयकबारे अनलाइन टिभी पत्रकार संघद्वारा शिक्षा समिति सभापति र प्रमुख सचेतक बर्तौलाको ध्यानाकर्षण
काठमाडाैँ । अनलाइन टिभी पत्रकार संघ, नेपालले सामाजिक सञ्जाल विधेयक, २०८१ प्रति आपत्ति जनाउँदै शिक्षा, स्वास्थ्य तथा सूचना प्रविधि समितिको ध्यानाकर्षण गराएको छ ।
मंगलवार सिंहदरबारस्थित समितिको कोर्यकक्षमा समिति सभापति अम्मरबहादुर थापालाई भेटेर संघले ध्यानाकर्षण गराएको हो । संघले खबरदारी र आलोचना गर्न पाउने नागरिकको आधारभुत अधिकार विधेयकले कुण्ठित गरेको आरोप लगाएका छन् ।
अधिकार खोस्ने विधेयकमा रहेका प्रावधान नहटाइ विधेकय अघि नबढाउन उनीहरुको आग्रह छ । ज्ञापन पत्र बुझ्दै समिति सभापति थापाले सरोकारवालाहरूसँग सरसल्लाह नगरी विधेयक अघि नबढ्ने भन्दै सरोकारवालाहरूको राय, सल्लाह लिएर मात्रै विधेयक अघि बढाउने प्रतिवद्धता जनाए । राज्यको चौथो अंगलाई अपमान गरेर अगाडि बढ्न नसकिने बताए ।
संघले सोही ज्ञापन पत्र नेकपा एमालेका प्रमुख सचेतक महेश बर्तौलालाई पनि बुझाएको छ । ज्ञापन पत्र बुझ्दै प्रमुख सचेतक बर्तौलाले सरकारले ल्याएको विधेयक जस्तोको त्यस्तै संसदबाट कहिले पनि पारित नभएको बताए । सार्वजनिक सरोकार राख्ने निकायहरुले यसका राम्रा पक्षलाई जीवन्त राख्दै यसका कतिपय प्रावधानलाई व्यवस्थित गर्न आएका सुझावलाई कानूनको अंग बनाएको बताए ।
उनले सामाजिक सञ्जालमा मौलाएको अराजकतालाई नियमन गर्न विधेयक ल्याइएको बताए । समाजमा उद्दण्डता मच्चाउनेहरूका लागि विधेयक ल्याइएको बताए ।
