माओवादीले गरेको हत्या, हिंसा, बर्बरता, क्रुरता आतंकवाद हो-सञ्चारमन्त्री गुरुङ
काठमाडाैँ । सञ्चार तथा सूचना प्रविधिमन्त्री पृथ्वीसुब्बा गुरुङले नेपालका माओवादीहरुले जनयुद्ध बेचेर खाइसकेको बताएका छन् ।
उनले बुधबार काठमाडौंमा आयोजित एक कार्यक्रममा माओवादीको जनयुद्ध र त्यसको परिणामको बारेमा टिप्पणी गर्दै, माओवादीले गरेको हिंसा, हत्या, बर्बरता र क्रुरता आतंकवाद भएको दाबी गरे ।
उनले भने, “राजतन्त्र माओवादीले रुकुम र रोल्पाबाट हुँकार गरेर, सिंहदरबार कब्जा गरेर, नारायणहिटी कब्जा गरेर, नेपाली सेनालाई पराजित गरेर क्रान्ति सम्पन्न भएको होइन । यो मुलुकमा जनताको बहुदलीय जनवादकै बाटोबाट क्रान्ति सम्पन्न भएको हो ।”
उनका अनुसार, माओवादीको जनयुद्ध गलत थियो भन्ने कुरा २०६५ सालको शान्तिपूर्ण क्रान्तिले प्रमाणित गरेको छ, जसले राजतन्त्रलाई समाप्त गरेर गणतन्त्र र लोकतन्त्रको मार्ग प्रशस्त गरेको हो ।
मन्त्री गुरुङले माओवादीको जनयुद्धमा भएका अत्याचारलाई आतंकवादको रूपमा वर्णन गर्दै, माओवादीलाई आफ्नो क्रान्तिको औचित्य खोसिएको बताएका छन् ।
उनले माओवादीको माओवादी विचारधारालाई समकालीन विश्वमा अब खारेज गरिएको भन्दै, माओवादको नाममा हिंसा गर्ने शक्तिहरूलाई संसदीय प्रणालीमा सहभागी हुनु नैतिक दृष्टिले अस्वीकार्य रहेको बताए ।
उनले थप्नु भयो, “हामीले भनेका थियौँ, सेना बनाउने कुरा र हतियार उठाउने कुरा समाज र परिस्थितिको आधारमा हुन्छ, तर अहिले माओवादीको औचित्य समाप्त भइसकेको छ ।”
मन्त्री गुरुङको यस टिप्पणीले माओवादीको इतिहास र वर्तमानमा भएको परिवर्तनलाई मध्यनजर गर्दै, जनयुद्धको वैधता र त्यसको प्रभावको पुनः मूल्याङ्कन गर्न आह्वान गरेको छ ।
