लुम्बिनी प्रदेश सरकारद्वारा छैठौं प्रदेशसभा अधिवेशन वैशाख ३१ मा आह्वान गर्न सिफारिस
दाङ । लुम्बिनी प्रदेश सरकारले यही वैशाख ३१ गते (२०७९/०१/३१) का लागि प्रदेशसभाको छैठौं अधिवेशन आह्वान गर्न प्रदेश प्रमुखसमक्ष सिफारिस गर्ने निर्णय गरेको छ ।
मुख्यमन्त्री चेतनारायण आचार्यको अध्यक्षतामा बुधबार बसेको मन्त्रिपरिषद् बैठकले प्रदेश प्रमुखलाई सिफारिस गर्ने निर्णय गरेको हो ।
बैठकपछि सरकारका प्रवक्ता तथा कृषि, भूमि व्यवस्था तथा सहकारी मन्त्री दिनेश पन्थीले सञ्चारकर्मीहरूसँग कुरा गर्दै बैठकले दिउँसो १ बजे अधिवेशन आह्वानका लागि औपचारिक प्रस्ताव पठाउने निर्णय लिएको जानकारी दिए ।
पन्थीका अनुसार अधिवेशनको तयारी सँगसँगै सरकार नीति तथा कार्यक्रम, आगामी आर्थिक वर्ष २०८२/८३ को बजेट, कानुन निर्माण, सार्वजनिक दायित्व तथा प्रतिवेदन प्रस्तुत गर्ने लगायत कार्यसूचीका लागि तयारीमा जुटेको छ ।
यसअघि लुम्बिनी प्रदेशसभाको पाँचौं अधिवेशन गत फागुन ७ गते अन्त्य गरिएको थियो । त्यसयता सरकारले विभिन्न नीति तथा कार्यक्रमको तयारी गर्दै दलहरू, नागरिक समाज र सरोकारवालासँग छलफल गर्दै आएको छ ।
प्रवक्ताले पन्थीले भने, “प्रदेश सरकार नीति तथा कार्यक्रम र बजेटमार्फत आर्थिक पुनरुत्थान, रोजगारी सिर्जना, संघीयताको प्रभावकारी कार्यान्वयन, पूर्वाधार विस्तार तथा सेवा प्रवाह सुधारमा केन्द्रित रहनेछ ।”
लुम्बिनी प्रदेशको चालु राजनीतिक परिप्रेक्ष्यमा छैठौं अधिवेशन महत्त्वपूर्ण मानिएको छ, किनभने यस अधिवेशनमा सरकारको कार्यदिशा निर्धारण गर्ने नीति तथा कार्यक्रम पारित हुने मात्र होइन, सम्भावित सरकार–विपक्षबीच बहस पनि चर्किने अपेक्षा गरिएको छ।
प्रदेश सभाका सदस्यहरू, विभिन्न राजनीतिक दलका नेताहरू र नागरिक समाजको ध्यान अब वैशाख ३१ गतेको अधिवेशनतर्फ केन्द्रीत हुँदै गएको छ ।
