अरनिको राजमार्गको जुरेमा पहिरो जाँदा सडक अवरुद्ध
प्रकाशित मिति : 20 July, 2025 12:23 pm
काठमाडौं । अविरल वर्षाका कारण पहिरो जाँदा अरनिको राजमार्गको अन्तर्गत जुरे सडक खण्ड अवरुद्ध भएको छ ।
पहिले गएको पहिरोकै माथिल्लो स्थानबाट लेदोसहितको पहिरो आउँदा शनिबार रातिदेखि सडक अवरुद्ध भएको जिल्ला प्रहरी कार्यालय सिन्धुपाल्चोकले जनाएको छ ।
उनका अनुसार अहिले पहिरो पन्छाउन एक्स्काभेटर, लोडर प्रयोग भइरहेको छ ।
सडक अवरुद्ध हुँदा सयौँ सवारी साधन बीच बाटोमै रोकिएका छन्। पहिरोसँगै जुरेमा बिजुलीको पोलसमेत ढल्दा यातायात सञ्चालनमा समस्या भएको प्रहरीले जनएको छ।
