दिउँसो २ बजेसम्म बैंकहरू सञ्चालन हुने
प्रकाशित मिति : 11 September, 2025 11:10 am
काठमाडौं । निषेधाज्ञाकैबिच बैंकहरू दिनको चार घण्टा खुल्ने भएका छन् ।
गत सोमबार देखि सुरु भएको जेनजी आन्दोलनका कारण बन्द भएका बैंकहरु आजदेखि दिउँसो ४ घण्टा सञ्चालनमा आउने नेपाल बैंकर्स संघले जनाएको छ ।
नगन्य क्षतिकैबीच बैंकका सीईओहरूको संगठन बैंकर्स संघले बिहीबार चार घण्टाका लागि बैंकहरू खुलाउने निणर्य गरेको हो। बिहीबार बिहान १० बजेदेखि सञ्चलनमा आएका बैंक दिउँसो २ बजेसम्म खुला रहनेछन्। संघले अधिकतम तीनवटा शाखासम्म खोल्न बैंकहरुलाई भनेको छ ।
संघको निर्णय काठमाडौँका बाणिज्य बैंकहरूले आफ्ना शाखा कार्यलयहरूबाट सेवा दिइरहेका छन् भने विकास बैंकहरूपनि एक दुई ओटा खुला रहेका छन् ।
