पाल्पामा २० गतेसम्म अत्यावश्यक बाहेकका सवारी साधन सञ्चालनमा रोक
प्रकाशित मिति : 4 October, 2025 4:18 pm
दाङ । पाल्पा जिल्लामा असोज १८ गतेदेखि २० गतेसम्म अत्यावश्यकबाहेकका सवारी साधन सञ्चालनमा रोक लगाइने भएको छ ।
जिल्ला सुरक्षा समितिको बैठकले बाढीपहिरोको जोखिम बढेकाले तीन दिनका लागि सवारी सञ्चालनमा रोक लगाउने निर्णय गरेको हो ।
प्रमुख जिल्ला अधिकारी बनु बज्राचार्य कुँवरका अनुसार सिद्धार्थ राजमार्गअन्तर्गत तिनाउँ गाउँपालिका–३ को सिद्धबाबा सडकखण्ड, बिसमाइल फुलस्थित सडकखण्ड, तिनाउँ गाउँपालिका–५ को चरचरे र हिउँदे खोला क्षेत्र, पाल्पा–गुल्मी सडकखण्ड तथा कालीगण्डकी करिडोरमा पहिरो जाने सम्भावना देखिएकाले रोक लगाइएको हो ।
उनले असोज १८, १९ र २० गतेका लागि लामो तथा छोटो दूरीका सार्वजनिक यातायात सञ्चालन नगर्न यातायात व्यवसायीलाई अनुरोध गरिएको जानकारी दिइन् । साथै उद्धार सामग्रीसहित तयारी अवस्थामा रहन स्थानीय तहलाई समेत निर्देशन दिइएको छ ।
