सरकारद्वारा मातृभूमि कोष स्थापना गर्ने घोषणा, इन्धन भण्डारण र एआई फ्याक्ट्रीमा लगानी गर्ने योजना
प्रकाशित मिति : 29 May, 2026 4:40 pm
काठमाडौं । सरकारले कम्तीमा तीन महिनाको इन्धन भण्डारण र आर्टिफिसियल इन्टेलिजेन्स (एआई) सम्बन्धी ‘एआई फ्याक्ट्री’ लगायत रणनीतिक आयोजनामा लगानी गर्ने उद्देश्यले “मातृभूमि कोष” स्थापना गर्ने घोषणा गरेको छ।
शुक्रबार संघीय संसदको संयुक्त बैठकमा आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले उक्त घोषणा गरेका हुन्।
उनका अनुसार मातृभूमि कोषमार्फत देशका दीर्घकालीन रणनीतिक पूर्वाधार तथा प्रविधिमूलक परियोजनामा लगानी परिचालन गरिनेछ। कोषको प्राथमिकतामा इन्धन सुरक्षासँग सम्बन्धित भण्डारण क्षमता विस्तार र एआई प्रविधि विकासलाई राखिने उनले बताए।
