त्रिशूली–३ ‘ए’ सुरुङबाट दुई जनाको जीवितै उद्धार
प्रकाशित मिति : 4 September, 2026 10:17 am
काठमाडौँ । रसुवाको भोटेकोशीमा १० भदौमा आएको विनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्र फसेका दुई जनाको जीवितै उद्धार गरिएको छ।
उद्धार हुनेमा आयोजनामा मेकानिकल फोरम्यानका रूपमा कार्यरत सञ्जय साह र मेकानिकल सुपरभाइजर कविर महर्जन रहेका छन्।
उद्धारपछि उनीहरूले सुरुङभित्र अझै केही व्यक्ति रहेको जानकारी आफूहरूले पाएको बताएका छन्।
उद्धार गरिएका साह र महर्जनलाई थप उपचारका लागि काठमाडौँ ल्याउने तयारी भइरहेको छ। सुरुङभित्र रहेका अन्य व्यक्तिको खोजी तथा उद्धारका लागि सुरक्षाकर्मी र उद्धार टोली परिचालन गरिएको छ।
