देशभर १ सय वटा विद्यालय नमुना विकासका लागि छनौट
काठमाडौं, साउन १ ।
देशभर १ सय वटा विद्यालय नमुना विकासका लागि छनौट भएका छन् ।
शिक्षा,विज्ञान तथा प्रविधि मन्त्रालय, शिक्षा तथा मानव स्रोत विकास केन्द्रले सार्वजनिक गरेको सूचनामा यसपटक देशभर एक सयवटा विद्यालय नमूनाका लागि छनौट गरिएको उल्लेख गरिएको छ ।
सरकारले यसअघि छनौट नभएका स्थानीय तहका विद्यालयलाई नमुनाका लागि छनौट गरिएको केन्द्रले जनाएको छ । मन्त्री स्तरको निर्णयबाट नमुना विद्यालय छनौट भएका हुन् ।
विद्यालय क्षेत्र विकास योजना अनुसार सबै स्थानीय तहमा क्रमशः नमुन विद्यालय विकास गर्ने सरकारको लक्ष्य छ । रोल्पामा यसपटक दुईवटा विद्यालय नमुना विकासका लागि छनौट भएका छन् ।
रोल्पाको सुनिलस्मृति गाउँपालिका-२ को त्रिपुरेश्वरी माध्यमिक विद्यालय र त्रिवेणी गाउँपालिका-५ को जन जागृति माध्यमिक विद्यालय गरि दुईवटा विद्यालयहरु नमुना विकासका लागि छनौट भएका छन् ।
शिक्षा तथा स्वास्थ्य समितिका सभापति जयपुरी घर्ती मगरको विशेष पहलमा रोल्पा जिल्ला सुनिलस्मृति गाउँपालिका-२ को श्री त्रिपुरेश्वरी माध्यमिक विद्यालय र त्रिवेणी गाउँपालिका-५ को श्री जन जागृति माध्यमिक विद्यालय गरि दुईवटा विद्यालयहरु नमुना विकासका लागि छनौट भएको सभापति घर्तीका स्वाकीय सचिव मदन घर्तीमगरले जानकारी गराएका छन् ।
रोल्पामा यसअघि ४ वटा विद्यालय नमुना विकासका लागि छनौट भईसकेका छन् ।