कञ्चनपुरमा वडा कार्यालयमा आगजनी
प्रकाशित मिति : 23 July, 2020 8:10 am
कञ्चनपुर, ८ साउन ।
कञ्चनपुरको शुक्लाफाँटा नगरपालिका वडा नंं. ७ को कार्यालयमा अज्ञात समूहले आगजनी गरेको छ । वडा सचिव महेश भट्टले कार्यालयको झ्यालको सिसा फुटाएर कार्यालयमा आगजनी गरिएको जानकारी दिए ।
आगजनीबाट कार्यालयको कम्प्युटर, सोफा, कार्पेट, कुर्सी र टेबुल जलेको सचिव भट्टले जानकारी दिए । घटनाको अनुसन्धान भइरहेको इलाका प्रहरी कार्यालय झलारी प्रहरी निरीक्षक धर्मेन्द्र रावलले जानकारी दिएका छन् ।
क्षतिको विवरण संकलन भईरहेको प्रहरी निरीक्षक रावलले जानकारी दिए ।
