रोयल एनफील्ड: एशियामा बुलेट मोटरसाइकलहरूको बिक्री यसरी बढिरहेको छ

काठमाडौं, ९ कार्तिक ।

रोयल एनफील्ड ब्रान्डको मोटरसाईकलको लोकप्रियता तिब्र रुपमा अगाडि बढेको छ । संसारको सब भन्दा ठूलो मोटरसाइकल बजारमा  स्थापित गर्न  कम्पनीले तिब्र रुपमा आफूलाई अगाडि बढाएको छ ।

रोयल एनफील्ड विश्वको सब भन्दा पुरानो मोटरसाइकल ब्रान्ड हो जुन आज पनि धेरैले मन पराउछन् । भारतीय बजारमा राम्रो बिक्रि भइरहेको यो ब्राण्ड सन् १९९४ देखि आईशर ग्रुप मातहत छ । यो कम्पनी अब एशियामा आफ्नो बिक्री बढाउन चाहान्छ र हालसालै थाइल्याण्डमा नयाँ कारखाना निर्माण गर्ने योजनाको घोषणा गरेको छ।

रोयल एनफील्डका प्रमुख कार्यकारी अधिकृत विनोद दासारीले बीबीसीलाई भनेका छन् कि भारतीय उपभोक्ताहरू मोटरसाइकलको शैली र यसको बिरासत मन पराउँछन्।

उनी भन्छन्, “हामी उत्तम मोटरसाइकलहरू बनाउँछौं जसको मूख्य धेरै छैन । साथै हामी मोटरसाइकलहरू भारतको लागि मात्र होइन सारा विश्वका लागि पनि बनाउँछौं।”

थाइल्यान्डमा स्थापना गरिएको कम्पनीको कारखानामा बाह्र महिना भित्र काम सुरु हुनेछ भन्ने आशा गरिएको छ र यो यो भारत पछि कम्पनी को दोस्रो ठूलो कारखाना हुने विश्वास गरिन्छ।

कम्पनी दक्षिण अफ्रिका, एशियामा भियतनाम, मलेशिया र चीन जस्ता देशमा निर्यातका लागि उक्त कारखानालाई निर्यात केन्द्र बनाउन चाहान्छ। यसका लागि विनोद दसारीको ठूलो योजना छ । ऊ आउँदो तीन देखि पाँचसम्ममा बर्षको लागि हरेक क्वार्टरमा नयाँ मोटरसाइकल सुरूवात गर्न चाहन्छ।

उनी भन्छन्, “एसिया प्यासिफिक हाम्रो लागि एकदम महत्त्वपूर्ण बजार हो र हाम्रा उपभोक्ता महत्वाकांक्षी छन् र तिनीहरूले हामीबाट केहि राम्रो अपेक्षा गर्छन्।”

अगाडी बढ्दै

एशियामा मोटरसाइकल सवारीको बलियो परम्परा छ। मोटरसाइकल बिक्रीको सन्दर्भमा भारत विश्वको सबैभन्दा ठूलो बजार हो। यस पछि थाईल्याण्ड, इन्डोनेसिया र भियतनाम यस विषयमा अगाडि छन्।

यी देशहरूको भीडभाड सडकहरूमा, विशेष गरी ठूला शहरहरूमा, मोटरसाइकल ट्राफिक जामबाट बच्ने सब भन्दा सजिलो तरिका हो।
मोटरसाइकल बिक्रीको पछिल्लो वर्षको आँकडा हेर्दा रोयल एनफील्डको बिक्री यस क्षेत्रमा ८८ प्रतिशतले वृद्धि भएको छ। यो कम्पनीले २५० देखि ७५० सी सी वर्गको मध्यम खालका बजारका लागि मोटरसाइकलहरू मात्र निर्माण गर्दछ।

तर एशियामा सबै मोटरसाइकल कम्पनीहरू सफल भएका छैनन्। एकातर्फ, जहाँ रोयल एनफील्डले एशियाको क्षेत्रको विस्तार गर्ने योजना बनाइरहेको छ, अर्कोतर्फ हार्ले-डेभिडसनले हालै यस क्षेत्रमा आफ्नो नयाँ काम सुरु गर्ने बताएको छ ।

फ्रस्ट एण्ड सुलिवानका यातायात विज्ञ विवेक वैद्य भन्छन्, “भारतमा हार्ले-डेभिडसन मोटरसाइकललाई महँगो मानिन्छ। यहाँका सडकहरू, गति र यातायात सम्बन्धी सरकारी नियमहरू उच्च गतिमा मोटरसाइकल चलाउन अनुकूल छैनन्।”

उनी भन्छन्, “कम्पनीले कम पावर ईन्जिनहरू बनाउन शुरू गर्यो, तर यस अवस्थामा धेरै सफल हुन सकेन। यस क्षेत्रमा रोयल एनफील्डलाई चुनौती दिन सजिलो थिएन।”

विज्ञहरू विश्वास गर्छन् कि हार्ले डेभिडसन भन्दा फरक, रोयल एनफील्डका उत्पादनहरू एशियाका मोटरसाइकल उपभोक्ताहरूका लागि राम्रो भएका छन्। मोटर खेल सल्लाहकार स्कट लुकाटिस भन्छन्, “उपभोक्ताहरू रोयल एनफील्डको मोटरसाइकललाई उनीहरूको प्रयोगको सरलता, सरल डिजाइन र उनीहरूको क्लासिक भिन्टेज शैलीका लागि मन पराउँछन्।

उनीहरूले आफ्ना उपभोक्ताहरूलाई कम लागतमा खेल बाइक किन्न अनुमति दिन्छन्। साथै उनीहरूका उपभोक्ताहरूलाई ती मोटरसाइकलहरूको बारेमा धेरै प्राविधिक ज्ञानको आवश्यकता पर्दैन, न त उनीहरूको मर्मतसम्भारमा बढी खर्च गर्नुपर्दछ।”

तर विनोद दासारी विश्वास गर्छन् कि रोयल एनफील्डको बिरासतले उपभोक्ताहरूलाई आकर्षित गर्दछ। उनी भन्छन् “कम्पनीले केवल एक उत्पादन बेचेको छैन तर त्यस उत्पादनको साथ वर्षौंको अनुभव छ।”

अर्को वर्ष रोयल एनफील्डले मोटरसाइकलहरू बनाउन सुरु गरेको १२० वर्ष पूरा गर्न लागेको छ। भारतमा कोरोना महामारीको सामना गरिरहेका कम्पनीले यस सम्बन्धमा कुनै खास कार्यक्रम घोषणा गरेको छैन।

विज्ञहरू विश्वास गर्छन् कि कोरोना महामारी पछि एशियाको मोटरसाइकल बजारले फेरि विकासको मार्गमा अगाडि बढ्ने छ ।
विवेक वैद्य भन्छन्, “संक्रमणको डरले जनताले सार्वजनिक यातायातको सट्टा निजी यातायातमा बढी जोड दिनेछन् । त्यसैले मोटरसाइकल बजारको भविष्य ग्रामीण क्षेत्रमा सस्तो यातायातका रूपमा देखिन्छ।” बीबीसी हिन्दीबाट