नेपाल शैक्षिक परामर्श संघका उपाध्यक्ष भट्टराईकाे जन्मदिनमा वृद्धाश्रममा खाद्यान्न वितरण

काठमाडौं। जन्मदिनको अवसरमा नेपाल शैक्षिक परामर्श संघका प्रथम उपाध्यक्ष देविदास भट्टराईले वृद्ध वृद्धालाई खाद्यान्न वितरण गरेका छन्।

काठमाडौं शान्तिनगर स्थित निस्सहाय सेवा सदनमा खाद्यान्न, घ्यू, ड्राईफुड लगायत वितरण गरिएको हो ।

आश्रममा ३० जना असहाय वृद्ध वृद्धा रहेका छन्। जन्मदिनमा तडकभडक गरेर मनाउनु भन्दा असाहाय वृद्ध वृद्धाका लागि सेवा गर्नु उचित लागेका कारण सानो सहयोग गरेको बताए ।

उनले हरेक जन्मदिनमा कुनै न कुनै सेवाको कार्य गरेको र यसकार्यलाइ निरन्तरता दिने जानकारी दिए । आफुले गरेको सानो सहयोगबाट असाहायमा सानो खुसी छाउने भएका कारण यस कार्यमा निरन्तर दिने बताए ।