नेप्सेमा हरियाली छाउँदा, नेपाल बंगलादेश बैंक अग्रस्थानमा
प्रकाशित मिति : 18 March, 2021 3:58 pm
![](https://i0.wp.com/www.lumbinisanchar.com/wp-content/uploads/2021/03/nepse_1.jpg?fit=800%2C459&ssl=1)
काठमाडौं । नेपाल स्टक एक्सचेन्ज नेप्सेले उकालो लागेको छ । साताको कारोबारको अन्तिम दिन नेप्से परिसूचक ४२.९५ अंकले बढेर २४७५.०९ अंकमा पुगेको छ । त्यस्तै सेन्सेटिभ परिसूचक पनि ५.५५ अंकले बढेर ४४४.१५ अंकमा पुगेको छ ।
आज नेप्सेमा कारोबारमा आएका १३ उपसमुहमध्ये एउटा उपसमुह बाहेक बाँकी सबै उपसमुहमा हरियाली छाएको छ । कारोबारको आधारमा आज नेपाल बंगालादेश बैंक लिमिटेड अग्रस्थानमा रहेको छ । बैंकको ७६ करोड ७६ लाख ५९ हजार ४ सय ९१ रुपैयाँको कारोबार भएको छ ।
नेप्सेमा आज कूल २१३ वटा कम्पनीको एक करोड १६ लाख ५७ हजार ९ सय ७५ कित्ता सेयर किनबेच हुँदा ४ अर्ब ६६ करोड १७ लाख ९२ हजार एक सय ८७ रुपैयाँको कारोबार भएको नेप्सेले जनाएको छ ।