विरोधकाबीच संवैधानिक परिषद् बैठक सुरु
प्रकाशित मिति : 9 May, 2021 10:08 am
काठमाडौं । संवैधानिक परिषद्को बैठक सुरु भएको छ ।
प्रधानमन्त्रीको सरकारी निवास बालुवाटारमा बैठक सुरु भएको हो । बैठकमा प्रधान न्यायाधीस चोलेन्द्र शमशेर जबरा सहभागि भएका छन् ।
सभामुख अग्निप्रसाद सापकोटा र प्रमुख प्रतिपक्षी दल नेपाली कांग्रेका सभापति शेरबहादुर देउवा भने बैठकमा सहभागि भएका छैनन् ।
नेकपाली कांग्रेसका सभापति देउवाले अध्यादेशमार्फत संवैधानिक परिषद्को क्षेत्र संकुचित र कमजोर बनाइएको भन्दै बैठकमा सहभागि नहुने हिजो बताइसकेका थिए भने ।
नेकपा माओवादी केन्द्रले बैठकमा सहभागि नहुन परिषद सदस्यहरूलाई आग्रह गरेको थियो । बैठकमा राष्ट्रिय सभाका अध्यक्ष, प्रधान न्यायाधीस उपस्थित भएपछि बहुमत पुगेको छ । बैठकले संवैधानिक निकायका रिक्त पदमा नियुक्तिको सिफारिस गर्ने छ ।
