प्रतितोला ९४ हजार रुपैयाँ पुग्यो सुन
प्रकाशित मिति : 11 February, 2022 10:59 am
काठमाडौं । नेपाली बजारमा योसाताको अन्तिम कारोबारमा छापावाला सुनको मूल्य बढेको छ । हिजो बिहिबार ९३ हजार ९००मा कारोबार भएको छापावाला सुनको मूल्य आज शुक्रबार तोलाको १०० रुपैयाँले बढेर तोलाको ९४ हजार रुपैयाँ तोलामा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको मूल्य प्रतितोला ९३ हजार ५ सयमा कारोबार भइरहेको छ ।
आज शुक्रबार चाँदीको मूल्य भने स्थिर रहेको छ । चाँदीको मूल्य २ दिनदेखि स्थिर रही १२८० रुपैयाँमा कारोबार भएको महासंघले जनाएको छ ।
