पाल्पामा माछा मार्ने क्रममा करेन्ट लागेर दाजुभाइको मृत्यु
प्रकाशित मिति : 18 February, 2022 11:27 am
पाल्पा । पाल्पाको तिनाउ गाउँपालिकामा करेन्ट लागेर दाजुभाइको मृत्यु भएको छ ।
माछा मार्ने क्रममा तिनाउ-२ खुलखुलेका २० वर्षीय सुरज सुनार र उनका भाइ १४ वर्षीय राकेश सुनारको करेन्ट लागेर मृत्यु भएको जिल्ला प्रहरी कार्यालय पाल्पाले जनाएकाे छ ।
बिहीबार साँझ करिब ७ बजेको समयमा दोभान खोलामा स्थानीय तिनाउ – १, बेलदमार बस्ने पदमबहादुर चिदीको घरबाट तार जोडेर माछा मार्ने क्रममा दाजुभाइको मृत्यु भएको जिल्ला प्रहरी नायब उपरीक्षक रामेश्वर त्वातीले बताए ।
घटनाको सम्बन्धमा थप अनुसन्धान जारी रहेको प्रहरीले जनाएकाे छ ।
