एमसीसी प्रतिनिधि सभामा लैजाने विषयमा माओवादी केन्द्रको लिखित असहमति
काठमाडौं । अमेरिकी सहायता प्याकेज मिलेनियम च्यालेन्ज कर्पोरेसन अन्तर्गतको एमसीसी प्रतिनिधि सभामा पेश गर्ने विषयमा नेकपा माओवादी केन्द्रले लिखित असहमति जनाएको छ ।
माओवादी केन्द्रबाट कार्यव्यवस्था परामर्श समितिमा सहभागी प्रमुख सचेतक देव गुरुङ, जयपुरी घर्ती र रेखा शर्माले सभामुख अग्निप्रसाद सापकोटालाई सम्बोधन गर्दै असहमति पत्र जाहेर गरेका हुन् ।
माओवादी केन्द्रको असहमति पत्रमा भनिएको छ,“यस सम्झौतालाई अगाडि बढाउन राष्ट्रिय सहमति कायम हुनुपर्ने,कतिपय बुँदाहरु परिमार्जन र संसोधन हुनुपर्ने र संसद सुरुचारु हुनुपर्दछ भनी हामीले निरन्तर भन्दै आएका छौं । तसर्थ राष्ट्रिय सहमति कायम नभएको, संसोधन र परिमार्जनको कुनै सुनिश्चिता पनि नभएको र संसद नै अवरुद्ध नै रहेकोले मिलिनियम च्यालेन्ज कर्पोरेशन(एमसीसी सदनमा टेबल गर्ने विषयमा हाम्रो गम्भीर असहमति रहेको व्यहोरा अनुरोध गर्दछौं ।”
