नापी कार्यालय भैरहवाका अमिन टेक बहादुर रायमाझी घुसको रकमसहित पक्राउ
प्रकाशित मिति : 31 May, 2022 1:44 pm
काठमाडौं । नापी कार्यालय, भैरहवा, रुपन्देहीमा कार्यरत अमिन टेक बहादुर रायमाझी घुसको रकमसहित पक्राउ परेका छन् ।
जग्गाको हालसाविक गर्नका लागि सेवाग्राहीसँग घुस लिएको आरोपमा रायमाझीलाई अख्तियार दुरुपयोग अनुसन्धान आयोगको कार्यालय, बुटवलको टोलीले आज पक्राउ गरेको हो ।
अमिन टेक बहादुर रायमाझीलाई सेवाग्राहीबाट लिएको ३० हजार रुपैयाँसहित पक्राउ गरेको आयोगले जनाएको छ । उनी सिद्धार्थनगर नगरपालिका वडा नं. ५ मा रहेको ३ नं. नापी कार्यालयको क्वाटरबाट पक्राउ परेका हुन् ।
