अर्घाखाँचीमा बाँदर धपाउने क्रममा लडेर घाइते भएका खनालकाे मृत्यु
प्रकाशित मिति : 18 July, 2022 5:32 pm
अर्घाखाँची । अर्घाखाँचीमा बाँदर धपाउने क्रममा लडेर घाइते भएका एक पुरुषको मृत्यु भएको छ ।
छत्रदेव गाउँपालिका–४ का ३९ वर्षीय टंकप्रसाद खनालको उपचारको क्रममा लुम्बिनी प्रादेशिक अस्पताल बुटवलमा मृत्यु भएको वडाध्यक्ष भिमलाल खनालले जानकारी दिए ।
असार १९ गते दिउँसो मकै बारीमा आएको बाँदर धपाउने क्रममा भिरबाट लडेर टाउको र गोडामा गम्भीर चोट लागेका उनको टाउकाको शल्यक्रियासमेत गरिएको थियो ।
गाउँपालिकाका अधिकांश स्थानमा बाँदरले घर, खेतबारीमा प्रवेश गरी अन्नपात खानुका साथै नष्ट गर्दै आएको छ । बिहानदेखि साँझसम्म मकैबारीको सुरक्षामा लागि परे पनि बाँदरबाट मकै जोगाउन नसकिएको किसानको भनाइ छ ।
