स्याङ्जामा पोखरीमा डुबेर दुई जनाको मृत्यु
प्रकाशित मिति : 21 July, 2022 11:51 am
स्याङ्जा । स्याङ्जाको गल्याङ् नगरपालिका ६ पेलाकोटमा पानीमा डुबेर दुई जनाको मृत्यु भएको छ । पेलाकोटस्थित सिंचाइ पोखरीमा परेर पेलाकोटकी ३३ वर्षीया बिन्दु गुरुङ र ४ वर्षकी सोफिया गुरुङको मृत्यु भएको जिल्ला प्रहरी कार्यालय स्याङ्जाले जनाएको छ ।
बुधबार साँझ ५ बजे खेल्दै जाने क्रममा कामना गुरुङकी ४ वर्षीया छोरी सोफिया पोखरीमा परेकी थिइन् । पोखरीमा सोफियालाई देखेर निकाल्न जाँदा स्थानीय बिन्दु गुरुङ पोखरीमा पसेकी थिइन् ।
पोखरीमा डुबेर घाइते अवस्थामा रहेका दुवैलाई तत्काल प्राथमिक स्वास्थ्य केन्द्र वालिङमा लगिएको भए पनि डाक्टरले उनीहरुलाई मृत घोषणा गरेको जिल्ला प्रहरी कार्यालय स्याङ्जाका प्रहरी नायव उपरीक्षक रविन्द्र खनालले बताए ।
