कांग्रेसका लुम्बिनी प्रदेश सभापति पुनले भेटे रोल्पाका पुराना नेता बालाराम घर्तीलाई
काठमाडौं । नेपाली कांग्रेस लुम्बिनी प्रदेश सभापति अमरसिंह पुनले रोल्पाका पुराना नेता एवं पूर्व मन्त्री बालाराम घर्तीमगरसँग भेट गरेका छन् ।
सभापति पुनले घर्तीको निवास ललितपुर सातदोबाटो पुगेर आज भेट गरेका हुन् । आगामी मंसिर ४ गते सरकारी संघ र प्रदेशको चुनाव घोषणा गरेलगत्तै पुनले राप्रपाका नेता समेत रहेका घर्तीसँग भेट गरेका हुन् ।
पूर्वराज्य मन्त्री समेत रहेका पुनले भने,“ चुनावी विषयसँग सम्बन्धित भेट पनि हो र पुराना तथा अग्रज नेता भएकाले उहाँसँग भेट गरेको हो ।”
भेटका क्रममा पूर्व मन्त्री घर्तीले आपूmलाई राजनीतिक रुपमा सफताको शुभकामना दिएको बताए । उनले भने,“नेतृत्व तहमा हुनुहुन्छ राम्रो गर्नुहोला, मेरो साथ सहयोग रहने छ भन्नुभयो र चुनावमा पनि सहयोग गर्ने भन्नुभएको छ ।”
केन्द्रमा गठबन्धन सरकार भएपनि सभापति पुन कांग्रेस र माओवादी केन्द्रबीच चुनावी गठबन्धन गर्न नहुने पक्षमा रहदै आएका छन् । स्थानीय तहको चुनावमा पनि रोल्पामा कांग्रेस र माओवादी केन्द्र छुट्टा छुट्टै चुनाव लडेका थिए ।
सभापति पुन रोल्पाबाट प्रतिनिधि सभा सदस्यको उम्मेद्वारका आकांक्षी हुन् ।
