पहिरोले नारायणगढ–मुग्लिन सडकखण्ड अवरुद्ध
प्रकाशित मिति : 2 September, 2022 10:29 am
काठमाडौं । पहिरो खस्दा नारायणगढ–मुग्लिन सडकखण्ड अवरुद्ध भएको छ । आज बिहान ८ बजे सडकखण्डको केराबारी र १८ किलोमा पहिरो खसेको थियो ।
जिल्ला प्रहरी कार्यालयल चितवनका प्रहरी नायब उपरीक्षक विजयराज पण्डितका अनुसार दुवै ठाउँमा लेदोसहितको पहिरो खसेको छ । निरन्तरको वर्षाका कारण पहिरो झर्ने क्रम रोकिएको छैन । पहिरो पन्छाउने काम भइरहेको उनले बताए ।
पहिरोका कारण सो सडकखण्ड भएर चल्ने सवारीसाधन रोकिएका छन् । बिहीबार बिहान पहिरो खसेपछि दिउँसो पन्छाएर सडक सुचारु गरिएको थियो ।
