माओवादी केन्द्रबाट रोल्पा प्रदेश सभा (क) मा प्रत्यक्ष तर्फ ४ जनाको नाम सिफारिस
रोल्पा । आगामी मंसिर ४ गते हुने निर्वाचनका लागि नेकपा (माओवादी केन्द्र) को तर्फबाट रोल्पा प्रदेश सभा (क) मा प्रत्यक्ष तर्फ ४ जनाको नाम सिफारिस भएको छ ।
प्रदेश सभा (क) निर्वाचन क्षेत्र समन्वय समिति बैठकले प्रत्यक्ष तर्फ ४ जनाको नाम सिफारिस गरेको हो । नाम सिफारिस हुनेमा जोखबहादुर महरा, सुकबहादुर रोका‘शरद’, गुणेन्द्र घर्ती र पूर्ण के.सी. रहेका छन् ।
निर्वाचन समन्वय समितिले जिल्लामा नाम सिफारिस गरेको हो । माओवादी केन्द्र स्रोतले भन्यो,“निर्वाचन क्षेत्र समन्वय समितिले जिल्लामा पठाएको हो, जिल्लाले सिफारिस गर्न बाँकी छ ।”
सिफारिस भएका मध्ये महरा यसअघि संविधानसभा सदस्य भइसकेका र लामो समय अध्यक्ष पुष्पकमल दाहाल ‘प्रचण्ड’ को सचिवालयमा बसेर काम गरेका हुन् भने सुकबहादुर रोका अहिले उपराष्ट्रपति नन्दबहादुर पुन‘पासाङ’ को प्रमुख स्वकीय सचिव हुन् ।
घर्ती सुनिल स्मृति गाउँपालिकाका निवर्तमान अध्यक्ष र के.सी. रोल्पा नगरपालिकाका निवर्तमान मेयर हुन् । प्रदेश सभा (ख) निर्वाचन क्षेत्र समन्वय समिति बैठक भने आज बस्दै छ । दुबै क्षेत्रबाट आएका सिफारिस माओवादी केन्द्र जिल्लाले थप छनौट गरेर टुंग्गो लगाउने छ ।
