तोलामा ५०० रुपैयाँ सस्तियो सुन
प्रकाशित मिति : 21 September, 2022 12:04 pm
काठमाडौं । नेपाली बजारमा आज बुधबार सुनको मूल्य सस्तिएको छ । नेपाल सुनचाँदी व्यवसायी महासंघको जानकारी अनुसार छापावाला सुनको मूल्य तोलामा ५०० रुपैयाँले सस्तिएर तोलाको ९१ हजार ३०० रुपैयाँमा कारोबार भइरहेको छ । मंगलबार छापावाला सुनको मूल्य ४०० रुपैयाँ बढेको थियो ।
त्यस्तै आज तेजावी सुनको मूल्य तोलाको ९० हजार ८०० रुपैयाँमा कारोबार भइरहेको छ ।
आज चाँदीको मूल्य पनि घटेको छ । चाँदी प्रतितोला १० रुपैयाँले घटेर तोलाको ११७० रुपैयाँमा कारोबार भइरहेको छ । मंगलबार चाँदी प्रतितोला ५ रुपैयाँ बढेको थियो ।
