इजरायलका प्रधानमन्त्री र टर्कीका राष्ट्रपतिबीच दुर्लभ भेटवार्ता
प्रकाशित मिति : 22 September, 2022 1:53 pm
![](https://i0.wp.com/www.lumbinisanchar.com/wp-content/uploads/2022/09/भकचषब.jpeg?fit=1600%2C919&ssl=1)
काठमाडौं । इजरायलका प्रधानमन्त्री याइर लापिड र टर्कीका राष्ट्रपति रेसेप तयीप एड्रोगानबीच मङ्गलबार भेटवार्ता भएको छ ।
दुई देशका ती नेताहरुबीच सन् २००८ पछि पहिलो पटक भेटवार्ता भएको अधिकारीहरुले जानकारी दिएका छन् । संयुक्त राष्ट्रसङ्घको ७७ औँ महासभामा सहभागी हुन न्युयोर्क गएको बेला उनीहरुका बीचमा भेटवार्ता भएको हो ।
जापिडको सचिवालयले जारी गरेको वक्तव्य अनुसार उनीहरुबीच दुई देशबीचको सम्बन्ध सुधार गर्ने बारेमा छलफल भएको थियो । साथै दुई पक्षीय हित, साझा चासो र सरोकारका विषयमा पनि उनीहरु बीचमा छलफल भएको जनाइएको छ । विषेश गरेर आर्थिक तथा उर्जा सहकार्यका बारेमा छलफल केन्द्रीत भएको बताइन्छ ।
दुई देशका बीचमा गत अगस्टमा पूर्ण रुपमा कुटनीतिक सम्बन्धलाई व्यूताउने सम्झौता भएको थियो । रासस