पाल्पामा खोलाले बगाउँदा एक बालिकाको मृत्यु
प्रकाशित मिति : 8 October, 2022 11:07 am
काठमाडौं । पाल्पामा खोलाले बगाउँदा एक बालिकाको मृत्यु भएको छ ।
रिब्दीकोट गाउँपालिका वडा नम्बर ६ ठिमुरेमा रहेको मन्दी खोलाले बगाउँदा रिब्दीकोट वडा नम्बर ५ नयाँटोलकी पाँच वर्षीया प्रिन्सु पचभैयाको मृत्यु भएको हो ।
बिहीवार बेलुकी साढे ४ बजेतिर नयाँ टोलबाट रानीठाँटी जाने क्रममा पचभैयासहित तीन जनालाई खोलाले बगाएको थियो ।
खोला तर्ने क्रममा प्रिन्सुसँगै आमा कविता र मीन रानालाई खोलाले बगाएको जिल्ला प्रहरी कार्यालय पाल्पाले जनाएको छ । खोलाले बगाएका कविता पचभैँया र मीना रानाको भने उद्धार गरिएको छ ।
प्रहरीका अनुसार घाइते मीनाको तानसेनमा रहेको लुम्बिनी मेडिकल कलेजमा उपचार भइरहेको छ ।
