उम्मेदवारी खारेजीकाे माग गर्दै गोविन्दराज जोशी,विजय गच्छदार,प्रभु साहलगायत ९ जना विरुद्ध सर्वोच्चमा मुद्दा
प्रकाशित मिति : 13 October, 2022 2:08 pm
काठमाडौं । उम्मेदवारी खारेजीको माग गर्दै ९ जना विरुद्ध सर्वोच्च अदालतमा मुद्दा दायर भएको छ ।
अधिवक्ता अनिल आचार्यले नैतिक पतन तथा फौजदारी अभियोगको मुद्दा खेपेका व्यक्तिलाई उम्मेदवार नबनाउन माग गर्दै सर्वोच्च अदालतमा आज मुद्दा दायर गरेका हुन् ।
मुद्दाको पेशी असोज ३० गतेका लागि तोकिएको छ । मुद्दा दायर हुनेमा विजयकुमार गच्छदार, गोविन्दराज जोशी, विक्रम पाण्डे, प्रभु साह, सरिता गिरी डिवि भन्ने युद्धविक्रम तामाङ, टेकबहादुर गुरुङ, लक्ष्मी महतो र गगन भन्ने रेवतराज पुरी विरुद्ध आचार्यले मुद्दा दायर गरिएको अधिवक्ता आचार्यले जानकारी दिए ।
अधिवक्ता आचार्यले भने, “कानुनमा केही लुपहोल त छोडिएको छ तर फौजदारी अभियोग नलागेका, नैतिक पतन नदेखिने उच्च नैतिकवान व्यक्ति उम्मेदावर बन्नुपर्छ भनेर मुद्दा दायर गरिएको हो ।”
