काठमाडौँको बूढानीलकण्ठ र हाँडीगाउँमा शंकास्पद वस्तु फेला
प्रकाशित मिति : 18 November, 2022 8:50 am
काठमाडौं । काठमाडौंको बूढानीलकण्ठ र हाँडीगाउँस्थित भत्केको पुलमा शंकास्पद वस्तु फेला परेको छ । हाँडीगाउँमा प्रेसर कुकरमा तार जोडेर राखेको अवस्थामा शुक्रबार बिहान फेला परेको हो । नेपाली सेनाको टिमले शङ्कास्पद वस्तु डिस्पोज गरेको छ ।
बूढानीलकण्ठको स्पेशल चोक र भत्केको पुलमा फेला परेको शङ्कास्पद वस्तु डिस्पोज गरिएको उपत्यका प्रहरी कार्यालयका प्रवक्ता (एसपी) सीताराम रिजालले जानकारी दिए ।
शुक्रबार बिहान पौने ३ मा शङ्कास्पद वस्तु फेला परेका हुन् । घटनाबारे जिल्ला प्रहरी परिसर काठमाडौंले अनुसन्धान गरिरहेको छ । निर्वाचन बिथोल्ने समूहले शङ्कास्पद वस्तु राखेको अनुसन्धान अधिकृतहरू बताउँछन् ।
