काठमाडौं क्षेत्र नम्बर १ मा प्रकाशमान सिंह विजयी,१३२ मतले हारे मिश्र
प्रकाशित मिति : 22 November, 2022 7:20 am
काठमाडौं । काठमाडौं क्षेत्र नम्बर १ मा नेपाली कांग्रेसका प्रकाशमान सिंह विजयी भएका छन् ।
उनले राप्रपाका रवीन्द्र मिश्रलाई १ सय ३२ मतले पराजित गरेका हुन् । विजयी सिंहले ७,१४३ मत पाएका छन् भने मिश्रले ७,०११ मत प्राप्त गरे ।
कुल २७,०१० मत खसेको मतमा २,११५ मत बदर भएको छ । राष्ट्रिय स्वतन्त्र पार्टीका पुकार बम ४,११२ मत ल्याएर तेस्रा बनेका छन् भने नेकपा एमालेका किरण पौडेलले ३,५०८ मत ल्याएका छन्। नेपाल सुशासन पार्टीका रमेश खरेलले पनि ३,१२१ मत ल्याएका छन्।
