लुम्बिनी प्रदेशको मुख्यमन्त्री तथा मन्त्रीपरिषद्को कार्यालय स्थायी राजधानी देउखुरी सारियो (फोटो फिचर)
![](https://i0.wp.com/www.lumbinisanchar.com/wp-content/uploads/2022/12/Lumbini-6.jpg?fit=2048%2C1365&ssl=1)
दाङ । लुम्बिनी प्रदेशको मुख्यमन्त्री तथा मन्त्रीपरिषद्को कार्यालय स्थायी राजधानी देउखुरी सारिएको छ ।
राजधानी कार्यान्वयनको लागी मुख्यमन्त्री कार्यालय स्थायी राजधानीमा सारिएको हो । अन्य मन्त्रालय र बिषयगत कार्यालयहरू पनि सार्ने तयारी सुरु भएको छ ।
![](https://i0.wp.com/www.lumbinisanchar.com/wp-content/uploads/2022/12/Lumini-1.jpg?resize=720%2C480&ssl=1)
अस्थायी मुकाम बुटवलमा रहेको मन्त्रालयको सामाग्री स्थायी राजधानी राप्ती उपत्यका देउखुरीमा झारिएको छ । तीन ट्रक सामाग्रीहरु प्रदेश राजधानीको प्रशासनिक केन्द्र मौरीघाटमा झारिएको हो ।
मन्त्रीपरिषद्को बैठक कक्ष, सचिवाल, एक्सन रुम लगायका सामाग्री सारिएको मुख्यमन्त्रीको कार्यालयले जनाएको छ । प्रदेश राजधानी कार्यान्वयनको गति बढेको प्रदेश पूर्वाधार विकास प्राधिकरणका प्रमुख कार्यकारी अधिकृत छविराज पोख्रेलले जानकारी दिए ।
“प्रशासनिक केन्द्र यही मौरीघाट भएको छ । शिक्षालय गोवरडिहा सरेपछी प्रशासनिक केन्द्र बनाउन सहज भएको हो’उनले भने,‘जग्गा विकास कार्यक्रम गुरुयोजना अनुसार भएको छ । अन्य मन्त्रालयको भवन बनाउन ठेक्का पनि भएको अवस्था छ ।”
![](https://i0.wp.com/www.lumbinisanchar.com/wp-content/uploads/2022/12/Lumbini-3.jpg?resize=720%2C480&ssl=1)
साविक राप्ती प्राविधिक शिक्षालयले प्रयोग गर्दै आएका भवनको सामान्य मर्मत गरेर मुख्यमन्त्री तथा मन्त्रीपरिषद्को कार्यालय बनाएको छ भने अन्य मन्त्रालयहरु पनि अन्य भवनमा सार्ने तयारी छ ।
अहिले सम्म मुख्यमन्त्रीको निवास, प्रमुख सचिवको निवास समेत तयार भएको छ । केही दिन भित्र औपचारिक कार्यक्रम गरेर मुख्यमन्त्री तथा मन्त्रीपरिषद्को कार्यालयले कामकाज थाल्ने छ ।
प्रदेश सरकारको प्रशासनिक केन्द्र सञ्चालन गर्न कुनैपनि पूर्वाधारको अभाव नरहेको जग्गा एकिकरण विकास समितिका अध्यक्ष श्यामेस चौधरीले बताए । “यहाँ कुनै पूर्वाधार अभाव छैन । कर्मचारीको लागी आवासको व्यवस्थापन पनि भएको छ’उनले भने,‘यो मिनि सिंहदरबार हो । सबै मन्त्रालय एउटै कम्पाउण्डमा अटाउछ ।”
![](https://i0.wp.com/www.lumbinisanchar.com/wp-content/uploads/2022/12/Lumbini-5.jpg?resize=720%2C480&ssl=1)
“प्रदेश राजधानीमा यस अघि दुई वटा मन्त्रालय स्थापना भइसकेका छन् । अब धमाधम रुपमा प्रमुख मन्त्रालय तथा विभागहरु आउन थालेपछी स्थानीय बासिन्दा पनि खुसी भएका छन् । मन्त्रालय आयो । अव सबै काम यहीबाट होस । हामी खुसी छौं,”स्थानीय जीवलाल पन्थिले भने,“अब विकास पनि होला ।”
![](https://i0.wp.com/www.lumbinisanchar.com/wp-content/uploads/2022/12/Lumbii-4.jpg?resize=720%2C480&ssl=1)
राजधानी कार्यान्वयन संगै प्रदेश सभाको दोस्रो कार्यकालयको पहिलो बैठक समेत स्थायी राजधानीमा आह्वान गर्ने तयारी सरकारले गरेको पत्रकार दशरथ घिमिरेले जनाएका छन् ।
![](https://i0.wp.com/www.lumbinisanchar.com/wp-content/uploads/2022/12/Lumbii-7.jpg?resize=720%2C480&ssl=1)
फोटो : दशरथ घिमिरे