नारायणगढ–मुग्लिन सडकखण्डमा ट्रक खस्दा एक जनाको मृत्यु
प्रकाशित मिति : 6 December, 2022 10:27 am
![](https://i0.wp.com/www.lumbinisanchar.com/wp-content/uploads/2022/12/truck_acc_CfciwjQk1j.jpg?fit=606%2C402&ssl=1)
चितवन। नारायणगढ–मुग्लिन सडकखण्डको तीन नम्बर पुलबाट आज बिहान ट्रक खसेको छ । मुग्लिनबाट नारायणगढतर्फ आइरहेको बा२ख ७४६२ नम्बरको खाली ट्रक भित्तापट्टिबाट पुलमुनि खसेको हो ।
दुर्घटनामा ट्रक चालक धादिङ घर भई मौवा खोला बस्ने सन्तबहादुर राईको घटनास्थलमा मृत्यु भएको इलाका प्रहरी कार्यालय मुग्लिनका प्रहरी निरीक्षक सुनदीप तामाङले जानकारी दिए ।
मृतकको आफन्त आइसकेपछि शवको परीक्षण गर्न भरतपुर अस्पताल पठाइने उनले बताए ।