अर्घाखाँचीको शीतगंगा नगरपालिका-२ झोलुंगे पुल नजिकै कार दुर्घटना हुँदा ५ जना घाइते
प्रकाशित मिति : 10 December, 2022 2:50 pm
अर्घाखाँची । अर्घाखाँचीको शीतगंगा नगरपालिका-२ झोलुंगे पुल नजिकै कार दुर्घटना हुँदा ५ जना घाइते भएका छन् ।
बा ३ च १५७९ नम्बरको कार दुर्घटना हुँदा घाइते भएका ५ जना मध्ये ३ जनाको अवस्था गम्भीर रहेको प्रहरीले जनाएको छ।
धार्मिक पर्यटकीयस्थल सुपादेउराली मन्दिरको दर्शन गरी फर्कंदै गर्दा कारको ब्रेक फेल भएर सडकबाट तल खस्दा ५ जना घाइते भएका हुन् ।
तनहुँ आँबुखैरेनीका एकै घरका परिवार सुपादेउराली दर्शन गर्न आएका थिए ।
घाइते हुनेहरूमा आँबुखैरेनीका २८ वर्षीय शिशिर त्रिपाठी, ५१ वर्षीया अन्शु त्रिपाठी,५५ वर्षीय लक्ष्मी त्रिपाठी, २५ वर्षीय प्रकृति त्रिपाठी र ३२ वर्षीय चालक सिसन त्रिपाठी रहेको प्रहरीले जनाएको छ ।
घाइतेको प्राथमिक स्वास्थ केन्द्र ठाडामा उपचारपछि थप उपचारका लागि बुटवल पठाइएको छ ।